Pan galego rústico artesán con masa nai – 500 g

Un pan dos que aínda necesitan tempo

Hai produtos que non precisan demasiadas explicacións cando sabemos como están feitos. Este pan galego rústico elabórase artesanalmente en Ponte Caldelas (Pontevedra) seguindo unha receita tradicional transmitida entre xeracións de panadeiros.

A súa masa combina fariña de trigo do país, sémola de trigo, centeo e algarroba, xunto con masa nai de centeo e lévedo. O resultado é un pan rústico, de codia crocante, pensado para acompañar unha comida, pero tamén para converterse en protagonista da mesa.

Elabórase baixo pedido, como as empanadas artesás que seleccionamos en Manxares Gallegos.

Para acompañar unha empanada… ou para que non quede nin unha pinga no prato

Cada peza pesa aproximadamente 500 g, un tamaño moi cómodo para compartir. Podes incorporala ao teu pedido de empanadas, acompañar con ela unha comida de fin de semana ou conxelala para gozala máis adiante.

E durante Galicia sabe a outono ten ademais unha utilidade práctica: se escolles as nosas empanadas de cogomelos e mazá de 1,5 kg, ambas suman 62 €. Engadindo este pan, o pedido alcanza os 65 € necesarios para gozar do envío normal gratuíto.

Conservación

Manter nun lugar fresco e seco.

Admite conxelación, polo que podes conservalo para gozalo máis adiante.

Ingredientes e alérxenos

Ingredientes: auga, sal, fariña de trigo do país (glute), fariña de sémola de trigo (glute), fariña de centeo, fariña de algarroba, lévedo e masa nai de centeo.

Peso: aprox. 500 g.
Medidas: aprox. 30 × 20 × 20 cm.